Surah Fussilat Ayat 41 Urdu Translation Tafseer

Para 24 - فَمَنْ اَظْلَمُ

سورة حم السجدة

Audio PDF

بِسْمِ اللّٰهِ الرَّحْمٰنِ الرَّحِیْمِ

41.41

اِنَّ الَّذِیْنَ كَفَرُوْا بِالذِّكْرِ لَمَّا جَآءَهُمْۚ-وَ اِنَّهٗ لَكِتٰبٌ عَزِیْزٌۙ (41)

Kanz ul Iman Kanz ul Irfan

کنزالعرفان

بیشک جنہوں نے ذکر کا انکار کیا جب وہ ان کے پاس آیا (ان کیلئے خرابی ہے) اور بیشک وہ عزت والی کتاب ہے۔

تفسیر : ‎صراط الجنان

{اِنَّ الَّذِیْنَ كَفَرُوْا بِالذِّكْرِ: بیشک جنہوں نے ذکرکا انکار کیا۔} یعنی جن لوگوں کے پاس قرآنِ کریم آیا اور انہوں نے اس کا انکار کیا اور ا س پر اعتراضات کئے تو انہیں ان کے کفر کی سزا دی جائے گی اور عنقریب انہیں جہنم کی آگ میں داخل کر دیا جائے گا۔(خازن ، فصلت ، تحت الآیۃ : ۴۱ ، ۴ / ۸۷ ، مدارک ، فصلت، تحت الآیۃ: ۴۱، ص۱۰۷۷، روح البیان، حم السجدۃ، تحت الآیۃ: ۴۱، ۸ / ۲۶۹، ملتقطاً)

{وَ اِنَّهٗ لَكِتٰبٌ عَزِیْزٌ: اور بیشک وہ عزت والی کتاب ہے۔} عزیز کے دو معنی ہیں ،(1) غالب اور قاہر،(2)جس کی نظیر نہ پائی جاسکتی ہو۔قرآنِ مجید اپنے دلائل کی قوت سے ہر ایک پر غالب ہے اور بے مثل بھی ہے کیونکہ اَوّلین وآخرین اس کا مقابلہ کرنے سے عاجز ہیں اور ساری مخلوق مل کر بھی ا س کی ایک سورت جیسی کوئی سورت نہیں بنا سکتی۔(تفسیرکبیر، فصلت، تحت الآیۃ: ۴۱، ۹ / ۵۶۸، خازن، فصلت، تحت الآیۃ: ۴۱، ۴ / ۸۷، ملتقطاً)

Next Ayat Prev Ayat